Māori Grammar

Tērā pea e taea te whare te whakatū anō. Tērā pea e kore.
Maybe it'll be possible to rebuild the house. And maybe not.

Tērā pea ko Niko kē te tuakana.
Perhaps Niko is the tuakana.

Āe tērā pea me tōhi.
Yes, perhaps some toast.

Tērā tonu pea nā Hēmi te papawīra rā. I mea mai ia he papawīra hou tāna.
That skateboard might well belong to Hēmi. He said he had a new skateboard.

Tērā pea he Hāmoa tana hoa. Ki a au nei he Hāmoa te āhua.
Maybe her mate's Samoan. He looks Samoan to me.

Tērā tonu pea ia e toa.
Perhaps she'll win.

He mea hoko kē pea te keke nei. Tērā tonu pea. Ehara ia i te tangata tunu keke, ki taku mōhio.
I think this cake might have been bought. Probably. As far as I know he's not a cake-maker.

Tērā pea nō Koa te motupaika i waho rā.
Perhaps that motorbike outside belongs to Koa.

Tērā pea kua haere kē a Tawa.
Tawa might have left already.

Tērā pea ka puta he kōrero mō te māra.
Perhaps a discussion about the garden will emerge.

Ka tōmuri a Ria, ki tō mōhio? Tērā tonu pea. E rongonui ana tōna tōmuri.
Do you think Ria might get here late? Quite possibly. Her tardiness is well-known.